Assalamu’alaikum. Wr. Wb.
Nuwun,kula nuwun.
Ingkang kinurmatan Panjenenganipun Bapak Ketua Komite saha pengurus komite
Ingkang kinurmatan Panjenenganipun Bapak Kepala SMPN 2 Getasan
Ingkang kinurmatan Panjenenganipun Bapak saha Ibu guru SMPN 2 Getasan
Ingkang kinurmatan Panjenenganipun Bapak saha Ibu staf TU SMPN 2 Getasan
Saha rencang – rencang sedaya ingkang mboten saged kula sebat setunggal mbaka setungggal ugi ingkang tansah kula hormati.
Sumangga kita sedaya ngaturaken puji syukur woten ngersanipun Gusti Ingkang Maha Agung awit sampun maringi kanugrahan saha kasrasan sahengga kita saged kempal wonten Adicara Perpisahan kelas 9.
Para rawuh sedaya, keparenga kula perwakilan saking kelas 9 ngaturaken matur nuwun dhumateng bapak lan ibu guru ingkang sampun maringi ilmu saha budi pekerti ingakang sae. Sahengga kita saged lulus ujian lan dados pelajar ingkang sae. Kita murid – murid kelas 9 mboten saged mbales amalipun bapak ibu guru, kita namung saged maringi doa supados bapak ibu guru sehat walafiat.
Para rawuh sedaya, kita uga ngaturaken matur nuwun dhumateng adik – adik kelas ingkang sampun maringi doa sahengga kita saged lulus kalihan nilai ingkang sae. Kita uga nggadahi pangajeng – ajeng supados adik – adik kelas 7 lan 8 saged manut kalihan bapak ibu guru sahengga saged dados murid ingkang pinter lan becik bebudinipun.
Para rawuh sedaya, kita kelas 9 ngaturaken nyuwun pangapsami ingkang kathah mbok bilih wonten kiranging trapsila ingkang mboten kersa dhumateng bapak ibu guru saha adik – adik kelas 7 lan 8.
Wusana mbok bilih wonten kekirangan ingkang ingkang mboten nujun prana, klenta klentunipun tutur, kirang runtut pngarkiting ukara, tuwin kirang wijang wijiling wacana kula nyuwun samudra pangabsami.
Wassalamua’laikum Wr. Wb
